mi toki pona

mi kama sona e toki pona lon tenpo sike nanpa mute ale luka luka luka tu zz tenpo ni la kulupu pi toki pona li lili zz tenpo ni la toki [_e_pilin_e_laso_a_nena_tawa_o] li toki pali suli wan taso zz lili kulupu pi toki pona li sama toki pali ante ale

jan li toki mute e ni: "toki pona li lili mute la sina ken kama sona e ona kepeken tenpo lili a" zz pilin pi jan mute la ni li lon mute ala zz taso kulupu pi toki pona li kama suli mute tan toki ni taso zz ante la jan li toki e ni tawa jan: "kama sona pi toki pona li pali suli mute a" zz la jan li wile ala kama sona e toki pona

tenpo mute la mi toki pona zz taso mute la toki ni li tawa mi taso zz pilin mi la ken kute mi pi toki pona li pona mute ala zz mute la mi lukin anu kute e toki pona li alasa sona e wile toki ona zz taso mi ken ala pali pona e ni zz mute la mi lon ala kulupu pi toki pona la mi kute mute ala e toki pona

pilin mi la kulupu pi toki pona li suli ike li nasa tawa mi zz jan mute li sona ala toki tawa jan ante lon nasin pona pi kon utala ala zz kulupu pi toki pona li kama e jan mute pi kon ni zz kin la mute la jan li kepeken ala e toki pona li toki utala lon ijo pi toki pona kepeken toki [_ijo_nena_li_ijo] anu toki utala lon ijo nasa ante kepeken toki [_ijo_nena_li_ijo] zz tan ni la mute la mi lon ala kulupu pi toki pona

pilin mi la: toki pona li lili li musi zz kulupu pi toki pona li suli li nasa